Alimlər xəbərdarlıq etdi: Duş başlığınız və diş fırçanız virus yuvası ola bilər!

Bölmə: Maraqlı › ,
Tarix: 22:28 30.10.2024

Şimal-Qərb Universiteti tərəfindən aparılan bir araşdırmada hamam əşyalarımızda gözlənilməz miqdarda virus aşkar edildi. Tədqiqatçılar 92 duş başlığı və 34 diş fırçasında 600-dən çox müxtəlif virus aşkar ediblər. 

 

Tədqiqata rəhbərlik edən mikrobioloq Erica M. Hartmann, bu qədər çox virus aşkar etmələrinin təəccüblü olduğunu ifadə edərək, gigiyena vərdişlərimizə yenidən baxılması lazım olduğunu vurğuladı.Evimizdəki hamam əşyalarını təmizləmək düşündüyümüzdən daha mürəkkəb ola bilər. Şimal-Qərb Universitetinin araşdırmasına görə, duş başlıqlarında və diş fırçalarında gözləniləndən daha çox virus yaşayır. Mütəxəssislər bu virusların əksəriyyətinin bakteriyaları hədəf alan zərərsiz növlər olduğunu bildirsələr də, mikrobioloq Erica M. Hartmann bu mikroskopik dünyanı daha yaxından tanımağın vacibliyinə diqqət çəkir.

 

Yaxşı xəbər budur ki, bu virusların böyük əksəriyyəti yalnız bakteriyaları hədəf alır və insan sağlamlığına birbaşa zərər vermir. Bu viruslar yalnız bakteriyalara hücum edən "bakteriofaqlar" adlanan xüsusi növlərdən ibarətdir. Xüsusilə mikobakteriyalara qarşı yönəldilmiş viruslar duş başlıqlarında olan zərərli bakteriyaları təmizləməyə kömək edə bilər.Diş fırçasından istifadə edərkən nələrə diqqət etməlisiniz?

 

Araşdırmalara görə, diş fırçalarımızda olan mikrobların çoxu əslində öz ağzımızdan gəlir. Bununla belə, mütəxəssislər fırçaları müntəzəm olaraq dəyişdirməli olduğumuzu xatırladırlar. Diş fırçalarını təmizləmək üçün onları qaynar suya batırmaq və ya sirkə və ya hidrogen peroksiddə islatmaq kimi sadə üsullardan istifadə etmək tövsiyə olunur.Mikroblarla harmoniyada yaşamaq mümkündürmü?

 

Mütəxəssislər mikroblara qarşı dezinfeksiyaedici vasitələrdən həddindən artıq istifadənin bəzən xeyirdən çox zərər verə biləcəyinə diqqət çəkirlər. Çünki bu, mikrobların müqavimət göstərməsinə səbəb ola bilər. Mikrobioloq Hartmann deyir: "Mikroblar hər yerdə var və onların əksəriyyəti sağlamlığımıza zərər vermir. Onlarla lazımsız mübarizə aparmaqdansa, balanslaşdırılmış təmizlik vərdişi mənimsəmək vacibdir". O, bildirir ki, təmizlik işini həddən artıq aşmamaq lazımdır.Diş Fırçaları üçün Təmizləmə Təklifləri

 

Diş Həkimi Dr. Joyce Kahng diş fırçalarını üç aydan bir dəyişdirməyi və başqaları ilə paylaşmamağı tövsiyə edir. Keçən həftə paylaşdığı təmizlik təklifləri diş fırçası tüklərini dezinfeksiya etmək istəyənlər üçün 5 fərqli üsul təklif etdi. Budur Dr. Kahng'ın təklifləri:

 

Əl sabunu ilə yuyun

30 saniyə qaynar suya batırın

Ağız qarqarasında 2 dəqiqə saxlayın

30 saniyə ağ sirkəyə batırın

2 çay qaşığı soda və su qarışığından istifadə edin

 

Mənbə: Pembenar 

Mehriban Nəsibova