Ermənistan və Hindistan son dövrdə...

Bölmə: Siyasət › ,
Tarix: 22:24 21.11.2024

Ermənistan və Hindistan arasındakı münasibətlər son dövrlərdə diqqətəlayiqdir, çünki iki ölkə həm siyasi, həm də müdafiə sahəsində əməkdaşlığı gücləndirməyə çalışır. Hindistan Ermənistana silah satışı həyata keçirir və son məlumatlara görə, Hindistan Ermənistana artilleriya və hava hücumundan müdafiə sistemləri göndərib.

 

Mövzu ilə bağlı "informator.az"a açıqlamasında politoloq Sədrəddin İsmayılov qeyd edib ki, Ermənistan və Hindistan arasında hərbi-texniki əməkdaşlıq yeni deyil:

 

"Hindistan müxtəlif növ və sayda Ermənistana hərbi avadanlıq satıb. Hindistan burada iki maraq güdür: Birinci maraq odur ki, silah sataraq pul qazanır. İkinci maraq isə regionda, Cənubi Qafqazda Pakistan-Azərbaycan-Türkiyə münasibətləri olduğundan, o da Cənubi Qafqazda özünü Ermənistanın tərəfdaşı olaraq göstərir. Çünki Hindistan və Pakistan arasında uzunmüddətli Kəşmir problemi mövcuddur".

 

"Azərbaycan birmənalı şəkildə Pakistanın mövqeyini dəstəkləyir və onu haqlı görür. Azərbaycana təzyiq etmək üçün Ermənistan və Hindistan arasında yaxınlaşma mövcuddur. Şübhəsiz, Ermənistan işğalçı və məğlub ölkə kimi daim fəaliyyəti izlənilir və nəzarət altındadır".

 

Zəhra Məmmədova