Üzdəki sızanaqlar nə vaxt təhlükəli olur?

Bölmə: Maraqlı › ,
Tarix: 21:55 25.11.2024

Sızanaqlar ümumiyyətlə dəridəki yağ bezlərinin tıxanması nəticəsində yaranan kiçik və zərərsiz formasiyalardır. Hormonların təsiri ilə xüsusilə yeniyetməlik dövründə tez-tez rast gəlinən sızanaqlar daha çox üz, bel və çiyin bölgələrində görülür. Ancaq estetik problem hesab edilsə də, bəzi hallarda ciddi sağlamlıq problemlərindən xəbər verə bilər.

 

 

Sızanaqlar yalnız yeniyetmələrdə deyil, bütün yaş qruplarında görünə bilər. Sızanaqlar dəridəki yağ bezlərinin həddindən artıq yağ əmələ gətirməsi və məsamələrdə toplanması nəticəsində yaranır. Nəticədə bakteriyalar çoxalır və dəridə qızartı, iltihab, ağrı və bəzən irin əmələgəlmələr yaranır.

 

Ağrılı və İltihablı Sızanaqlar

 

Sızanaqlar bəzən dərin, ağrılı və irinli ola bilər. Bu tip sızanaqlar kist və ya düyün tipli sızanaqlar ola bilər. Bu, infeksiyanın dərinin altında daha dərin bir bölgəyə yayıldığını ifadə edə bilər. Müalicə tələb edən və cərrahi müdaxilə tələb edə bilən bu cür sızanaqlar üçün bir dermatoloqdan kömək istənilməlidir.

 

Davamlı və Ümumi Sızanaqlar

 

Sızanaqlar uzun müddət keçmirsə, davamlı yayılır və ya müalicəyə baxmayaraq artarsa, bu, hormonal balanssızlıqla əlaqəli ola bilər. Hormonal problemlər, xüsusən də Polikistik Yumurtalıq Sindromu (PCOS) dəridə geniş yayılmış sızanaqların əmələ gəlməsinə səbəb ola bilər. Bu tip sızanaqlar üçün hormon səviyyələrinin qiymətləndirilməsi tələb oluna bilər və endokrinoloq və ya dermatoloqdan kömək istəmək faydalı olar.

 

Mənbə: Ahaber 

Mehriban Nəsibova