Si Cinpin və Putin Trampın inauqurasiyasından saatlar sonra əlaqələrin gücləndiyini vurğulayıb

Bölmə: Siyasət › ,
Tarix: 20:29 22.01.2025

Çinin lideri Si Cinpin və Rusiya Prezidenti Vladimir Putin çərşənbə axşamı video konfrans zamanı ölkələri arasındakı əlaqələri yeni səviyyəyə qaldırmaq niyyətində olduqlarını bildiriblər. Bu görüş ABŞ Prezidenti Donald Trampın vəzifəyə başlamasından saatlar sonra baş tutub.

Si Cinpin iki ölkə arasında “strateji koordinasiya” və “praktiki əməkdaşlığın” dərinləşdirilməsinin vacibliyini vurğulayıb. Putin isə artan ticarət dövriyyəsindən və ABŞ-ın dominant olduğu qlobal nizamın ədalətli multipolyar sistemə çevrilməsi üçün birgə işlərin əhəmiyyətindən danışıb. Hər iki lider Tramp administrasiyası ilə münasibətləri yenidən qurmağa ümid etdiklərini bildiriblər. Si Cinpin Tramp ilə əvvəlki günlərdə etdiyi telefon danışığı haqqında Putinə məlumat verib. Bu danışıqda Ukraynadakı müharibə və digər mövzular müzakirə olunub.

 

Putin və Si Cinpin həmçinin İkinci Dünya Müharibəsindəki müttəfiq qələbəsinin 80-ci ildönümünü birgə qeyd etməyi planladıqlarını açıqlayıblar.

 

Mənbə:CNN News
Aydan Quliyeva