Antalyada 12 mərtəbəli otel tikintisində yanğın-İşçilər xilas edildi

Bölmə: Hadisə › ,
Tarix: 19:39 27.01.2025

Antalyanın Alanya rayonunda 12 mərtəbəli otel tikintisində yanğın baş verib. Yanğın zamanı məhsur qalan 13 işçi xilas edilib.

 

Yanğın nəticəsində yüksələn tüstü Alanyanın uzaq nöqtələrindən də müşahidə olunub. Şiddətli alov və tüstü səbəbindən binanın çökmə riski olduğu bildirilib. Hadisə, Alanya rayonunda saat 17:00 radələrində baş verib. Cikcilli məhəlləsi, Kerim Ertekin küçəsində yerləşən otel tikintisində başlayan yanğın, binanın aşağı mərtəbələrindən sürətlə yayılıb. Yanğını söndürmək üçün Alanya, Manavqat və Qazipaşa rayonlarından hadisə yerinə yanğınsöndürmə qrupları cəlb edilib.

Yanğın zamanı qalan 4 işçi yanğınsöndürənlər tərəfindən xilas edilib. Hadisə yerində başqa heç kimin qalmadığı bildirilib. Alanya Bələdiyyə Başçısı Osman Tarık Özçelik, yanğın zamanı insan tələfatının olmadığını açıqlayıb. Yanğının ətrafdakı binalara yayılma ehtimalının olmadığını qeyd edən Özçelik, yaşayış binası kimi tikilib sonradan otelə çevrilməsi planlaşdırılan binada çalışan 13 işçidən 9-nun yük liftləri vasitəsilə, 4-ü isə yanğınsöndürənlərin xilas etdiyini bildirib.

 

Mənbə: NTV
Ləman Ağayeva