Ərdoğan Ankarada HƏMAS nümayəndə heyətini qəbul etdi

Bölmə: Siyasət › ,
Tarix: 21:35 29.01.2025

Türkiyə Prezidenti Rəcəb Tayyib Ərdoğan Ankarada HƏMAS Şura Məclisinin sədri Məhəmməd Dərvişin rəhbərlik etdiyi nümayəndə heyətini qəbul edib.

 

Görüşdə Türkiyənin Xarici İşlər Naziri Hakan Fidan və Milli Kəşfiyyat Təşkilatının rəhbəri İbrahim Kalın da iştirak edib.

 

Görüş prezidentin rəsmi proqramında yer almamışdı.

 

HƏMAS-ın lideri Yahya Sinvar 2024-cü ilin oktyabrında öldürüldükdən sonra təşkilat yeni liderini elan etməyib. BBC-yə danışan bir HƏMAS rəsmisi təhlükəsizlik səbəbilə yeni liderin kimliyinin çox güman ki, gizli saxlanılacağını bildirib.

 

Hərəkatın yeni liderinin 2025-ci ilin mart ayında müəyyən ediləcəyi, o vaxta qədər isə beş üzvdən ibarət bir komitə tərəfindən idarə olunacağı bildirilib.

 

Bu komitə Məhəmməd Dərviş, Xalil əl-Həyyə, Xalid Məşəl, Zaher Cabarin və adı açıqlanmayan beşinci bir şəxsdən ibarətdir.

 

Qəzzədə İsrail və HƏMAS arasında atəşkəs 19 yanvar tarixində qüvvəyə minib.

 

Mənbə:BBC Türkiyə

Nəzrin İsmayılova