İngiltərədə oğlanlar riyaziyyat və elmdə qızlarla aradakı fərqi artırıb-Tədqiqat

Bölmə: Dünya › ,
Tarix: 21:12 10.03.2025

 

İngiltərədə məktəbli oğlanlar riyaziyyat və elmi fənlərdə qızlarla aralarındakı fərqi əhəmiyyətli dərəcədə artırıb. Bu nəticə, nüfuzlu beynəlxalq qiymətləndirmə əsasında aparılan araşdırmanın təhlili zamanı əldə edilib və oğlanların məktəbdə qızlardan geri qaldığı iddialarını təkzib edir.

 

University College London (UCL) tədqiqatçıları müəyyən ediblər ki, 5-ci və 9-cu siniflərdə oxuyan oğlanlar riyaziyyat və elmdə qızlardan əhəmiyyətli dərəcədə yüksək nəticə göstəriblər. Bu fərq, Covid pandemiyasından əvvəl aparılan beynəlxalq qiymətləndirmələrlə müqayisədə daha da artıb.

 

UCL-in Təhsil İnstitutunun əməkdaşı və tədqiqatın əsas aparıcılarından biri olan Dr. Jennie Golding bildirib:

"Bu fərqin niyə yarandığını dəqiq söyləmək çətindir, lakin tapıntılarımız göstərir ki, burada özünə inam, aidiyyət hissi və dərsləri buraxma halları kimi amillər rol oynaya bilər. Lakin bu problemin tam səbəblərini anlamaq və həll etmək üçün daha çox araşdırmaya ehtiyac var".

 

 

 

The Guardian

Nuray Qurbanlı