Şıx çimərliyində batan iki gəncin meyiti tapılıb
Bölmə: Hadisə ›
,
Tarix: 17:17 15.06.2025
Şıx çimərliyində batan iki gəncin meyiti tapılıb. Bu barədə FHN Mətbuat xidmətindən bildirilib.
Xəbər verildiyi kimi, Bakı şəhərinin Səbail rayonu, Şıx çimərliyində dənizdə 2 nəfərin batması barədə daxil olmuş məlumat əsasında FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri dərhal axtarışlara başlayıb.
Axtarışlar nəticəsində dənizdə batmış 2008-ci il təvəllüdlü Hacıyev İlqar Vüqar oğlu və 2008-ci il təvəllüdlü Qarayev Sabir Rizvan oğlunun meyitləri suda tapılıb çıxarılaraq aidiyyəti üzrə təhvil verilib.
