İrandan İsrailə atılan raketlərin dəyəri 287 milyon dollardır

Bölmə: Dünya › ,
Tarix: 22:15 18.06.2025

 

İyunun 13-də İranın İsrailə yönəltdiyi ballistik raket hücumlarının qarşısını almaq İsrailə 287 milyon dollara başa gəlib. Bu barədə məlumatı İsrailin “Haaretz” qəzeti yayıb.

 

Bildirilib ki, raketlərin əksəriyyəti Arrow 2 və Arrow 3 sistemləri vasitəsilə zərərsizləşdirilsə də, bəziləri müdafiə sistemlərini aşaraq insan tələfatına və ciddi dağıntılara səbəb olub.

 

İsrail Aviasiya və Kosmos Sənayesinin (IAI) baş direktoru Boaz Levi hücumların intensivliyinin artdığını bildirib: “Apreldə bizə 100 raket atdılar. Oktyabrda bu rəqəm 200-ə çatdı. İndi isə raketlər ardıcıl dalğalarla gəlir”.

 

Levi qeyd edib ki, Arrow sistemləri ilə yanaşı, ABŞ istehsalı olan THAAD və SM-3 sistemlərindən də istifadə olunub. Məlumata görə, Arrow 3-ün müdaxilə effektivliyi 90 faiz, THAAD sisteminin isə təxminən 40 faizdir.

 

TRT haber
Mahmudlu Ləman