12 gündə xaos! Raketlərin kölgəsində nə baş verib?

Bölmə: Dünya › ,
Tarix: 16:20 25.06.2025

 

İki ölkə arasında atəşkəs qüvvəyə mindikdən sonra İranın İsrailə raket zərbəsi endirəcəyi xəbəri dövlət televiziyasına istinadən İran mediası tərəfindən təkzib edilib. İsrailin cavab təhdidindən sonra İranın Milli Təhlükəsizlik Şurası “düşmənin istənilən təcavüz aktına qəti şəkildə cavab verməyə hazırıq”- deyib. Dünən Trampın sosial media hesabında elan etdiyi atəşkəsi həm İran, həm də İsrail tərəfindən pozması çaşqınlıq yaradıb və ABŞ Prezidentini qəzəbləndirib. İsrailin hücumlarından “xoşbəxt olmadığını” deyən Tramp Netanyahuya zəng edərək ona “hücumları dayandırmağı”- deyib.

ABŞ Prezidenti Donald Tramp ötən gecə sosial media hesabında İsrailin iyunun 13-də İranın nüvə obyektlərinə, hərbi infrastrukturuna və yüksək rütbəli generallarına hücumu ilə başlayan İsrail-İran müharibəsində “atəşkəs əldə edildiyini”- açıqlayıb. Bununla belə, Trampın bəyanatına baxmayaraq, İsrail və İranın davamlı qarşılıqlı ittihamları və cavab təhdidləri çaşqınlığa səbəb olub. İranın ötən gecə ABŞ-nin nüvə obyektlərinə hücumuna cavab olaraq Qətər və İraqdakı ABŞ bazalarını hədəf alması müharibənin daha da genişlənəcəyi ilə bağlı narahatlıqlara səbəb olub. Truth Social-da paylaşım edən Tramp, hücumun dəf edildiyini bildirərək, "İsrail və İran arasında tam və tam atəşkəs razılaşdırıldı. 12 günlük müharibə rəsmi olaraq sona çatacaq. Hər atəşkəs zamanı qarşı tərəf sülhsevər və hörmətli qalacaq"- deyib. Tramp bildirib ki, hər şey planlaşdırıldığı kimi getsə, bitəcək müharibə “12 günlük müharibə” adlandırılmalıdır. Müharibənin davam edəcəyi təqdirdə bütün Yaxın Şərqi məhv edə biləcəyini ifadə edən Tramp, “Atəşkəs qüvvədədir, lütfən, onu pozmayın”- deyib.

CNN Türk
Əminə Əliyeva