Beyza Alkoç

Bölmə: Araşdırma › ,
Tarix: 20:25 01.02.2024

Çağdaş türk ədəbiyyatının uğurlu gənc yazarlarından biri olan Beyza Alkoç bir yazıçı olaraq məhsuldarlığı və hər biri fərqli təsir bağışlayan romanları ilə Türkiyəyə səs salıb. Əsərlərini ilk dəfə onlayn kitab platformasında çap etməyə başlayan müəllif indi ona göstərilən böyük maraq sayəsində çap nəşrlərində ən çox satılan müəlliflər sırasındadır. Ədəbiyyata olan marağı və üstün istedadını çox gənc yaşlarında kəşf edən Beyza Alkoç sizi kitabları ilə gələcəyin böyük yazıçısının doğulmasına şahid olmağa dəvət edir.

 

Bəziləri istedadla doğulur:

 

Beyza Alkoç 1996-cı il fevralın 15-də İstanbulun Fatih rayonunda anadan olub. Hələ oxumağı öyrənməmişdən əvvəl ətrafındakılara müxtəlif uydurmalar danışmağı sevən Alkoç ibtidai məktəb yaşından fərqli janrlarda yazmağa başlayıb. Və ilk roman cəhdini səkkiz yaşında ikən etdi. Alkoç uşaqlıq və gənclik illərində kitablar və filmlər əsasında yeni ssenarilər hazırlamağa başladı. Və o yazdığı “fanfiks” adlanan bu hekayələri ilə də o vaxtlar diqqət çəkməyi bacarıb. Eyni zamanda gənc yazıçı teatr janrında müxtəlif esselər də irəli sürüb. Ədəbiyyata və yazıya olan bu sıx maraq Alkoçun təhsili boyu qısa hekayə kateqoriyasında bir çox birincilik və mükafatlar qazanmasına səbəb oldu.

 

Beyza Alkoç hələ 18 yaşında olarkən ilk kitabının "Sərhəd" nəşrini oxucularına təqdim edib. Belə ki, uşaqlıq arzularını çox erkən yaşlarında gerçəkləşdirən yazıçı romanlarını həm internetdə, həm də çapda çap etməyə davam edib. İlk hekayələrini daha çox sevgi üzərində quran Alkoç sonrakı dövrlərdə də elmi fantastika sahəsində cildli əsərlər yaradıb. Bundan əlavə, triller və qorxu janrında da istedadını kəşf edən müəllif, xüsusilə Karantin roman seriyası ilə fanat sayını xeyli artırmağı bacarıb. Beyza Alkoçun yalnız 2015-ci ildən 2020-ci ilə qədər nəşr olunan doqquz romanı var. Tərcümə və sosiologiya fakültələrində bakalavr təhsili də alan Alkoç öyrənmə həvəsi və məhsuldarlığı ilə yazı qabiliyyətini inkişaf etdirməyə davam edir. Yeni nəsil türk ədəbiyyatının ən məşhur nümunələrinə sahib olmaq üçün Beyza Alkoçun romanlarını araşdırmağa indi başlayın. 

 

Mənbə: www.dr.com.tr

Tərcümə etdi: Gülnisə Əfkari