La Liqada "Barselona" küləyi

Bölmə: İdman › ,
Tarix: 23:52 16.09.2024

"Barselona"nın fırtınası La Liqada erkən başlayıb. Kataloniya komandası liqada mövsümün ilk 5 matçında qalib gəlsə də, ən yaxın izləyicisi Real Madridi 4 xal qabaqlayıb.

"Barselona" bu mövsüm fərqlidir. Ötən il La Liqa çempionluğunu "Real Madrid"ə uduzan Kataloniya komandası yeni mövsümə səmərəli başlayıb.

Tünd-göylər Liqanın beşinci həftəsində səfərdə "Jirona"nı 4:1 hesabı ilə məğlub edərkən rəqiblərini qorxudub.

"Barselona"ya qələbə qazandıran qolları 30 və 37-ci dəqiqədə Lamine Yamal, 47-ci dəqiqədə Dani Olmo və 64-cü dəqiqədə Pedri vurub.

"Jirona"nın yeganə xalını 80-ci dəqiqədə Kristian Stuani vurub. Beləliklə, "Barselona" La Liqada 5-ci qələbəsini qazanıb.

Kataloniya komandası yeni baş məşqçisi Hansi Flikin rəhbərliyi altında mövsümün ilk oyununda səfərdə "Valensiya"ya 2:1 hesabı ilə qalib gəlib. Bordo-göylər daha sonra Atletik Bilbao və Rayo Valyekano komandalarını eyni hesabla 2-1 məğlub edib.

"Barselona" 4-cü həftədə "Real Valyadolid"i 7:0 hesabı ilə məğlub edərək çempionluğu nə qədər istədiyini göstərdi.

La Liqaya itkisiz başlayan Kataloniya komandası 5-ci həftəyə görə son çempion "Real Madrid"i 4 xal qabaqlayıb. Sentyabrın 22-si bazar günü "Barselona" liqada məğlub olmayan dörd komandadan biri olan "Vilyarreal"ı qəbul edəcək.

Mənbə: TRT Haber
Məhəmməd Qasımov