İsrailin baş naziri Netanyahu ABŞ-a yeni səfir təyin edib

Bölmə: Dünya › ,
Tarix: 21:46 08.11.2024

İsrailin baş naziri Binyamin Netanyahu bundan əvvəl işğal altındakı İordan çayının qərb sahilində fələstinlilərdən ələ keçirilən torpaqların “meri” vəzifəsini icra edən Yechiel Leiter-i ölkəsinin Vaşinqtondakı səfirliyinə təyin edib.

 

Baş nazirliyin mətbuat xidmətindən verilən yazılı açıqlamada Netanyahunun Leiteri İsrailin Vaşinqtondakı yeni səfiri təyin etdiyi bildirilib.

 

Leiterin Vaşinqtonda təyinatı Donald Trampın ABŞ prezidenti kimi fəaliyyətə başladıqdan sonra başlayacağı gözlənilir.

 

İsraillilərin zəbt etdiyi Fələstin torpaqlarında yaşayır

 

Digər tərəfdən, Jerusalem Post qəzetində çıxan xəbərdə Leiterin daha əvvəl İordan çayının qərb sahilinin Hebron bölgəsində fələstinlilərdən ələ keçirilən torpaqların bələdiyyə sədri vəzifəsində çalışdığı bildirilib.

 

Bundan əlavə, İsrailin ABŞ-dakı yeni səfirinin İordan çayının qərb sahilində israillilər tərəfindən ələ keçirilən Fələstin torpaqlarında fəaliyyət göstərən “Yesha Council” adlı təşkilatda çalışdığı qeyd edilib.

 

“Jewish Inseder” xəbər saytının məlumatına görə, Leiter hazırda qəsb edilmiş Fələstin torpaqlarında yaşayır.

 

Mənbə: TRT haber 

Fidan Fərhadlı