Livanın cənubundakı toqquşmalarda yaralanan İsrail əsgəri ölüb

Bölmə: Dünya › ,
Tarix: 21:52 08.11.2024

İşğalçı İsrail ordusu qurudan hücuma keçdiyi Livanın cənubunda baş verən qarşıdurmada yaralanan əsgərlərindən birinin öldüyünü açıqlayıb.

 

Ordudan verilən açıqlamada oktyabrın 26-da Livanın cənubunda baş verən qarşıdurmalarda Guy Şabtay adlı əsgərin yaralandığı bildirilib.

 

Ağır yaralanan Şabtayın İsraildə müalicə olunduğu xəstəxanada dünyasını dəyişdiyi bildirilib.

 

İsrail hakimiyyəti Livandakı qarşıdurmalarda ümumilikdə neçə əsgərin öldüyü barədə məlumatlara malik deyil.

 

İşğalçı İsrail ordusu sentyabrın 30-da Livanın cənubunda Hizbullahın infrastrukturuna qarşı "məhdud və intensiv" qurudan hücumlara başladığını açıqlayıb.

 

Mənbə: TRT haber 

Fidan Fərhadlı