Ançelotti: “Mbappe kefsizdir, amma motivasiyalıdır..."

Bölmə: İdman › ,
Tarix: 21:57 08.11.2024

Real Madrid hücumçusu Kylian Mbappe “kefsizdir”, lakin çətin dövrdən keçmək üçün qətiyyəti var, deyə menecer Karlo Ançelotti bildirib.

 

Mbappe, La Liga klubunda 15 oyunda 8 qol vurub, lakin son beş oyununda yalnız bir dəfə fərqlənə bilib. Ötən mövsüm Çempionlar Liqası və La Liga çempionu olan Real Madrid, keçən ay rəqibi Barselonaya 4-0 məğlub olub və hazırda liqada kataloniyalılardan doqquz xal geridə qalıb. Realın baş məşqçisi Ançelotti mətbuat konfransında bildirib: “Mbappe hamı kimi kefsizdir, amma bu anı arxada qoymaq üçün motivasiya var”.

 

“Onun yaşadığı problem hamının problemidir. Vinicius Junior, Rodriqo və ya Jude Bellinghamı göstərə bilərsiniz. Bu, hamı üçün çətin bir dövrdür”. İtalyan məşqçi əlavə edib ki, Fransa millisinin baş məşqçisi Didye Deşamın Mbappeni Les Bleus-un qarşıdakı Millətlər Liqasındakı iki matçına çağırmamaq qərarına dair onunla “danışmayıb”. Ançelotti izah edib: “Bu, milli komandanın baş məşqçisinin işidir və onun qərarlarını mühakimə etmək mənim haqqım deyil. O, bu qərarı qəbul etdi və biz də bunu qəbul etməliyik”.

 

Mənbə: BBC Sport

Fatimə Abdulrəhimli