Ali Məhkəməyə müraciət!

Bölmə: Dünya › ,
Tarix: 18:38 14.03.2025

Tramp administrasiyası anadangəlmə vətəndaşlıq hüququnu məhdudlaşdıran fərmanın qismən icrası üçün Ali Məhkəməyə müraciət edib. Federal hakimlərin ümummilli miqyasda icrasını dayandırmasına etiraz edən administrasiya məhkəmənin səlahiyyət həddini aşdığını iddia edib. Ədliyyə Nazirliyi hüquqi prosesin davam etdiyi müddətdə reqlamentin qismən qüvvəyə minməsini xahiş edib.

 

ABŞ Prezidenti Donald Trampın administrasiyası prezidentin vətəndaşlıq hüququnu doğumla məhdudlaşdıran fərmanının qismən icrası üçün Ali Məhkəməyə müraciət edib. Merilend, Massaçusets və Vaşinqton ştatlarında federal hakimlərin fərmanın ölkə miqyasında tətbiqini dayandıran qərarlarına qarşı hərəkət edən administrasiya, bu qərarların yalnız iddia qaldıran tərəflərlə məhdudlaşması lazım olduğunu müdafiə etdi. Ədliyyə Nazirliyinin təqdim etdiyi vəsatətdə məhkəmənin səlahiyyət həddinin aşıldığı əsas gətirilərək reqlamentin qismən icrası istənilib. Müraciətdə qərarların yalnız işi qaldıran və məhkəmənin yurisdiksiyasına aid olan iddiaçılarla məhdudlaşdırılması bildirilərək, məhkəmə prosesi davam edərkən fərmanın bütün ölkə üzrə qismən icra olunması xahiş edilib.

 

Mənbə: a haber
Kəmalə Vəliyeva