ABŞ Maliyyə Nazirliyi İranın “kölgə bankçılığına” qarşı sanksiyalar tətbiq edib

Bölmə: Dünya › ,
Tarix: 19:44 09.07.2025

ABŞ Maliyyə Nazirliyinin Xarici Aktivlərə Nəzarət İdarəsi (OFAC) İran neftinin İslam İnqilabı Keşikçiləri Korpusunun (İİKK) xeyrinə satışını asanlaşdırmasına görə 22 qurumu sanksiya siyahısına əlavə edib.

"İnformator.az" xəbər verir ki, bu barədə nazirliyin saytında yerləşdirilən məlumatda deyilir.

 

Məlumata görə, siyahıya Honkonq, BƏƏ və Türkiyədə yerləşən təşkilatlar daxil edilib.

 

Nazirlik iddia edir ki, İİKK ilk növbədə sanksiyalardan yayınmaq və gəlirləri hərbi fəaliyyətə yönəltmək üçün İran neftinin satışından əldə edilən yüz milyonlarla dollar gəliri köçürmək üçün ofşor hesablardan istifadə edən İran xaricindəki yardımçı şirkətlərdən istifadə edir.

 

“İran sabitliyi pozan nüvə və ballistik silah proqramlarını maliyyələşdirmək üçün kölgə bank sistemindən fəal şəkildə istifadə edir. Maliyyə Nazirliyi hələ də bu kölgə infrastrukturunu pozmağa hədəflənib”, - ABŞ-nin maliyyə naziri Skott Bessent deyib.