Çin restoranlarına baltayla hücum edildi: 4 yaralı

Bölmə: Sosial › , Hadisə › ,
Tarix: 13:55 20.06.2023

Yeni Zelandiyada bir nəfərin üç fərqli Çin restoranına balta ilə hücum etməsi nəticəsində 4 nəfər yaralanıb.

 

İnformator.az xarici mediaya istinadən xəbər verir ki, Yeni Zelandiyanın Oklend şəhərində bir şəxs üç fərqli Çin restoranına girərək balta ilə insanlara hücum edib. Xəstəxanaya aparılan yaralılardan birinin müalicəsi başa çatdıqdan sonra evə buraxıldığı, 3 nəfərin vəziyyətinin stabil olduğu deyilir. 

 

Polis orqanlarından verilən açıqlamada, 24 yaşlı Çin vətəndaşının qəsdən xəsarət yetirmək ittihamı ilə nəzarətə alındığı və bu gün məhkəmə qarşısına çıxarılacağı bildirilib.

 

Qeyd edək ki, hücumun səbəbi hələlik açıqlanmayıb.