115 illik nadir portret, onu batıran alman sualtı qayığından sonra hərracda satılıb

Birinci Dünya müharibəsi zamanı alman sualtı qayığı tərəfindən batırılan tarixi balıqçı gəmisinin 115 il əvvəl çəkilən nadir portreti Böyük Britaniyada keçirilən hərracda 500 funt sterlinqə satılıb.

“Nil Desperandum” adlı traulerin akvarel portreti 1911-ci ildə dəniz rəssamı Aleksandr Harvud tərəfindən çəkilib. Latın dilindən tərcümədə “Heç vaxt ümidsiz olma” mənasını verən gəmi öz dövrünün tanınan balıqçı gəmilərindən biri olub. Əsər Hull və Şərqi Yorkşirdən olan dəniz rəssamlarının işlərinin təqdim edildiyi Skarboro şəhərindəki David Duggleby hərracında satışa çıxarılıb.

Hərrac evinin nümayəndəsi Dominik Koksun sözlərinə görə, keçmişdə bu cür köhnə traulerlərin təsvir olunduğu rəsmlərin çoxu dəyəri bilinmədiyi üçün itib-batıb və ya məhv edilib. Lakin “Nil Desperandum”un portreti yerli dənizçilik həvəskarlarından biri tərəfindən qorunub saxlanılıb. Məhz buna görə də bu gün həmin əsər həm nadir tarixi eksponat, həm də kolleksiyaçılar üçün qiymətli tapıntı hesab olunur.

Rəsm əsərində 140 tonluq vintli buxar gəmisi Birinci Dünya müharibəsinin faciəli hadisələrindən bir neçə il əvvəl təsvir edilib. Dəniz tarixinin səssiz şahidi hesab olunan bu portret gəminin ən parlaq dövrünü əks etdirir.

BBC News
Reyhan Qulizadə