ABŞ dövlət katibi Harvardla bağlı təhqiqat aparılmasını istəyib

ABŞ dövlət katibi Marco Rubio, Harvard Universitetinin Çində ABŞ administrasiyasının qara siyahıya saldığı Çin rəsmilərinin iştirak edəcəyi düşünülən konfrans təşkil edərək federal sanksiyaları pozub-pozmadığının araşdırılmasını istəyib.

“New York Times” qəzetinin məsələ ilə tanış olan rəsmilərə və sənədlərə əsaslanan xəbərinə görə, Rubio Xəzinədarlıq Departamentinə təzyiq edir ki, Harvardın Çində konfransın təşkilindəki rolunun federal sanksiyaları pozub-pozmadığını araşdırsın.

İddiaya görə, Rubio may ayında Xəzinədarlıq Departamentinə məktub göndərərək məsələni ətraflı araşdırmaq üçün rəsmi araşdırmaya başlamağı tövsiyə edib.

Hesabatda istintaqın xüsusilə konfransa qatıldığı düşünülən və ABŞ administrasiyasının qara siyahıya saldığı və sanksiyaya məruz qalan Çin rəsmilərinin araşdırılacağı və bu məmurların Çin dövlətinə bağlı Sincan İstehsalat və Yenidənqurma Korpusunda vəzifə yerinə yetirmə ehtimalının nəzərdən keçirildiyi bildirilib.

Digər tərəfdən, Amerika mətbuatına açıqlama verən ekspertlər dövlət katibinin Xəzinə Nazirliyinin sanksiyalar prosesinə bu dərəcədə müdaxilə etməyə çalışmasının olduqca qeyri-adi olduğunu vurğulayırlar.

2020-ci ildə ABŞ Uyğur türklərinin məcburi əməyini əsas gətirərək Sincan İstehsalat və Yenidənqurma Korpusundan pambıq məhsullarının idxalına qadağa qoyub.

Mənbə: TRT Haber

Xədicə Məhərrəmli