ABŞ Prezidenti Trampdan İranla bağlı mesaj: Görüşmək və ya başqa bir addım atmaq niyyətində deyilik

ABŞ Prezidenti Donald Tramp Hörmüz boğazının açıq olduğunu və tankerlərin neft daşımağa davam etdiyini bildirərək İranla bağlı “Danışacaq elə də çox məsələ yoxdur, onlarla danışmaq istəmirik. Görüşmək və ya başqa bir addım atmaq niyyətində deyilik” deyib.

ABŞ Prezidenti Donald Tramp Oval kabinetdə keçirdiyi fərman imzalanması mərasimindən sonra jurnalistlərin İranla bağlı suallarını cavablandırıb.

Tramp İranın hazırda ciddi iqtisadi çətinliklərlə üzləşdiyini və hərbçilərin maaşlarının ödənilmədiyini iddia edib. O, Tehranın hərbi potensialının da böyük ölçüdə məhv edildiyini irəli sürüb.

Hörmüz boğazının açıq və ABŞ-ın nəzarəti altında olduğunu bildirən Tramp deyib:

“Dünən gecə boğazdan 24 tanker keçirdik. Davamlı olaraq tankerlərin keçidini təmin edirik. Bunu çox açıq şəkildə deyirəm. Bu, hərbi əməliyyatları başa çatdırdığımız anlamına gəlmir, amma başa çatdırdıq. Hazırda Hörmüz boğazı açıqdır. İrana heç nə keçə bilmir”.

İranla yaxın zamanda danışıqlara qayıtmağı düşünüb-düşünmədikləri ilə bağlı suala cavab verən ABŞ Prezidenti bildirib:

“İranla danışacaq elə də çox məsələ yoxdur, onlarla danışmaq istəmirik. Görüşmək və ya başqa bir addım atmaq niyyətində deyilik”.

Hörmüz boğazının tankerlərin keçidi üçün açıq olmasının onlar üçün vacib olduğunu bir daha vurğulayan Tramp hər gün böyük həcmdə neftin boğazdan keçərək dünya bazarlarına çatdırıldığını bildirib.

Mənbə: Hürriyet

Süsən Mərdalıqızı