ABŞ və İran arasında qarşılıqlı hücumlar

ABŞ ordusu İrana qarşı müdafiə məqsədli hücumlar həyata keçirdiyini və Körfəz ölkələrinə doğru atılan ballistik raketləri, pilotsuz uçuş aparatlarını və gəmiləri hədəfə aldığını açıqlayıb. ABŞ Mərkəzi Komandanlığı bildirib ki, Hörmüz boğazındakı Keşm adasına edilən hücumlar İranın Yaxın Şərqdə həyata keçirdiyi hücum cəhdlərinə cavab olaraq təşkil olunub. CENTCOM-un məlumatına görə, Tehran Küveytə iki, Bəhreynə isə üç raket atıb və onların hamısı vurulub və ya zərərsizləşdirilib. İran isə cavab olaraq bölgə ölkələrindən birində yerləşən ABŞ bazalarına və helikopterlərinə raketlər və pilotsuz uçuş aparatları ilə hücum etdiyini açıqlayıb. Küveyt rəsmiləri bildiriblər ki, İrana məxsus pilotsuz uçuş aparatlarının beynəlxalq hava limanındakı terminal binalarından birini vurması nəticəsində azı bir nəfər ölüb, onlarla insan yaralanıb.

BBC NEWS

 Səmayə Səftərova