Azərbaycan 10 ölkə ilə azad ticarət sazişləri imzalayıb
"İqtisadi inteqrasiyanı və ixrac imkanlarını genişləndirmək məqsədilə Azərbaycan hazırda 10 ölkə ilə azad ticarət sazişləri imzalayıb. Azad ticarət sazişləri ixrac imkanlarını əhəmiyyətli dərəcədə genişləndirir".
Mövzu ilə bağlı iqtisadçı Eyyub Kərimli "İnformator.az"a açıqlamasında bildirib ki, ölkəmizin dövlətlərlə azad ticarət sazişi imzalaması xarici ticarət dövriyyəsinin artmasına, həmçinin ölkədən ixrac olan məhsullarının daxili istehsal olunan məhsulların xarici bazarda rəqabətini artılmasına təsir göstərir:
"Digər tərəfdən ölkəmizə bu sazişlər çərçivəsində idxal olunan məhsulların qiymətlərinin aşağı olmasına təsir göstərəcəkdir. Bu cür sazişlər həm də ölkəmizin sahibkarlıqların və xarici ticarətlə məşğul olan dövriyyəsinin artmasına təsir edəcək. Yerli istehsalı da stimullaşdıra bilər. Həmçinin ölkəmizin başqa ölkələrdə məhsullarının başqa ölkələrdəki bazarlarda rəqabətliliyinin artırmasına səbəb ola bilər".
Günel Əlili
