Azərbaycanda inflyasiya 4,9 % elan edilib

Dövlət Statistika Komitəsi bu gün açıqladığı hesabatda bildirir ki, Azərbaycanda istehlak qiymətlərinin illik artım tempi avqust ayı etibarilə 4,9 % təşkil edib.

Mövzu ilə bağlı iqtisadçı Emin Qəribli “İnformator.az”a açıqlamasında bildirib ki, Dövlət Statistika Komitəsi uzun illərdən bəri möhkəm metodologiya tətbiq edir və rəsmi statistik göstəricilər beynəlxalq ekspertlər tərəfindən qəbul olunmuş standartlara əsaslanır:

“İndiki dövrdə texnologiyanın inkişafı ilə qiymət dəyişiklikləri daha dəqiq ölçülə bilir. Təbii ki, reallıqla rəsmi rəqəmlər arasında müəyyən fərqlər ola bilər. Fərziyyə edirəm ki, 4,9 % göstəricisi müasir iqtisadi reallığı tam əks etdirmir. Dünya təcrübəsini nəzərə alsaq, eyni dövrdə inflyasiya 20 % səviyyəsinə qədər yüksələ bilər. Bununla belə, alıcılıq qabiliyyətinə təsir baxımından 10 % civarında inflyasiya iqtisadi cəhətdən zərərdən çox fayda verə bilər. İnflyasiya, ümumiyyətlə, dünya üzrə qaçılmaz bir haldır və müəyyən dərəcədə qiymət artımı mütləq mənada iqtisadi ziyana səbəb deyil".

Fatimə Hüseynli