Bazarlar FED-in iclas protokollarını gözləyir

ABŞ-də hökumətin bağlanması qlobal bazarlarda qeyri-müəyyənliyi artırıb. Diqqətlər bu gün açıqlanacaq FED-in iclas protokollarına yönəlib.

İqtisadi məlumatların məhdudluğu fonunda analitiklər FED-in gələcək faiz qərarları barədə qeyri-müəyyənliyin artdığını bildirirlər. FED rəsmiləri arasında da fikir ayrılığı qalır - bəziləri faiz endiriminin davamını, digərləri isə inflyasiya riskini vurğulayır.

Qızıl 4 037 dollarla rekord həddə çatıb, Brent nefti 65,7 dollar/barel olub. AMD və IBM-in süni intellekt əməkdaşlıqları bazarlara müsbət təsir göstərib.

Avropada ECB rəhbəri Laqard avronun bahalaşmasını siyasi qeyri-müəyyənliklərlə əlaqələndirib. Asiyada isə Nikkei və Kospi indeksləri geriləyib.

Türkiyədə BIST 100 artıb, TCMB inflyasiya risklərinin davam etdiyini açıqlayıb.

TRT Haber

Aişə Mustafayeva