BDU ölkədə liderdir
Dünyanın nüfuzlu reytinq təşkilatı “Quacquarelli Symonds” (QS) vasitəsilə “QS World University Rankings by Subject 2026” nəticələri elan olunub. Nəticələrə əsasən, Bakı Dövlət Universiteti (BDU) böyük uğura imza ataraq cari ildə ilk dəfə olaraq 2 geniş ixtisas kateqoriyası üzrə reytinq siyahısında yer alıb.
Mövzu ilə bağlı BDU rektorunun keyfiyyət təminatı üzrə müşaviri Asiman İlyasov “İnformator.az” a açıqlamasında bildirib ki, Bakı Dövlət Universiteti beynəlxalq reytinqlərdə yer almaqla xarici tələbələr üçün cəlbediciliyini əhəmiyyətli dərəcədə artırmaq potensialına malikdir:
““Qlobal reytinqlər (məsələn, QS Quacquarelli Symonds kimi) tələbələr üçün “keyfiyyət siqnalı” rolunu oynayır xaricdə təhsil almaq istəyən tələbələr universitet seçərkən bu reytinqlərə baxır. bu cümləni QS kimi qlobal reytinqlər tələbələr üçün “keyfiyyət siqnalı” rolunu oynayır, xaricdə təhsil almaq istəyən tələbələr universitet seçərkən bu reytinqlərə baxır. BDU reytinqlərdə yer aldıqda artıq naməlum regional universitet deyil, beynəlxalq akademik məkanda tanınan bir qurum kimi görünür. Bu, Asiya, Yaxın Şərq və Afrika ölkələrindən gələn tələbələr üçün mühüm qərar amilidir. Xarici tələbələr üçün əsas suallardan biri budur: “Bu universitetdə aldığım diplom beynəlxalq səviyyədə tanınacaqmı?” Reytinqlərdə görünmək bu sualın cavabını qismən müsbət istiqamətdə formalaşdırır . Eyni zamanda, reytinqlərdə yer almaq beynəlmiləlləşmə prosesini də gücləndirir. Universitet əsasən elmi-tədqiqat fəaliyyətinin gücləndirilməsinə diqqət yetirir. Beynəlxalq reytinqlərdə əsas meyarlardan biri elmi nəşrlərdir. Buna görə universitet yüksək faktorlu jurnallarda nəşrlərin sayını artırmaq, tədqiqat mərkəzləri və laboratoriyaların imkanlarını genişləndirmək və gənc tədqiqatçıları, doktorantları daha aktiv dəstəkləmək kimi addımlar atılır. İkinci mühüm istiqamət beynəlmiləlləşmənin dərinləşdirilməsidir. BDU daha çox xarici tərəfdaş universitetlərlə əməkdaşlıq qurmağı, ingilis dilində tədris olunan proqramların sayını artırmağı hədəfləyir. Bu təşəbbüslər həm xarici tələbə, həm də beynəlxalq müəllim cəlbini gücləndirir. Üçüncü istiqamət idarəetmədə və təhsildə keyfiyyət təminatının inkişafıdır. Universitet beynəlxalq standartlara uyğun tədris proqramlarını əmək bazarının tələblərinə uyğun yeniləməyi və tələbəyönümlü təhsil modelini genişləndirməyi planlaşdırır. Bu isə məzunların rəqabət qabiliyyətini artırır. Ümumilikdə, BDU bu uğuru yalnız bir reytinq nəticəsi kimi deyil, universitetin son illərdə həyata keçirdiyi məqsədyönlü inkişaf strategiyasının real göstəricisi kimi qiymətləndirir. Universitet bu nailiyyəti Azərbaycanın ali təhsil sisteminin inkişafının bir hissəsi kimi də dəyərləndirir. BDU üçün bu uğur yeni mərhələnin başlanğıcıdır. Bu uğur BDU-nun artıq yalnız yerli deyil, regional və beynəlxalq səviyyədə tanınan bir ali təhsil müəssisəsinə çevrildiyini göstərir”.
Selcan Xudiyeva
