Beynəlxalq Sülh Günü

Dünya bəzən savaşların səsini eşidir, bəzən isə susqunluğa qərq olur. Amma hər il 21 sentyabr gəldikdə bütün insanlıq bir anlıq dayanır və sülhü xatırlayır. BMT-nin təsis etdiyi Beynəlxalq Sülh Günü yalnız müharibəsiz bir günü simvolizə etmir  o, həm də hüquq, anlayış, dialoq və birlik günüdür.

Müharibələr dünyanın müxtəlif yerlərində hələ də davam edir, minlərlə insan həyatını itirir, evlərini tərk etmək məcburiyyətində qalır. Bu gün bizə xatırladır ki, sülh yalnız qərarlarla deyil, hər bir fərdin gündəlik həyatda seçdiyi davranışlarla formalaşır. Kiçik hörmət, bir gülümsəmə, fərqli fikrə anlayış – bunlar da sülhün güclü addımlarıdır.

Sülh həm də yaradıcılıq və ümiddir. Hər bir dialoq, hər bir humanitar təşəbbüs və hər bir birgə fəaliyyət müharibələrə qarşı kiçik bir qələbədir. Dünya yalnız dövlətlərin qərarlarından ibarət deyil  o, hər birimizin gündəlik davranışlarında yaşanır.

Ədilə Hüseynzadə