“Boko- Haram” terror qruplaşması 80 nəfəri girov götürüb
“Euronews”un məlumatına görə “Boko- Haram” terror qruplaşması Kamerunun şimalındakı Mabass kəndində 80 nəfəri girov götürüb, 3 nəfəri isə qətlə yetirib
Girov götürülənlərdən 50-si 10-15 yaşları arasında olan uşaqlardır. Terrorçular onlarla yaşayış evini yandırıblar. Ekstremistlər ilə Kameron hərbçiləri arasında atışma baş verib. Nigeriya sərhədini keçməyə müvəffəq olan terororçular girovları özləri ilə aparıblar.
Qeyd edək ki, “Boko Haram” terror qruplaşmasının Kameruna hücumları son vaxtlar artıb. Qonşu ölkəyə yardım üçün Çad hökuməti öz hərbçilərini və 400 hərbi texnikanı Kameruna göndərib. Çadın prezidenti terror qruplaşmasına qarşı mübarizə üçün koalisiya yaradılması təşəbbüsü ilə Mərkəzi Afrika ölkələrinin iqtisadi əməkdaşlıq təşkilatına müraciət edib.
