Bu gün satirik şair və qəzəlxan Baba Pünhanın doğum günüdür

Bu gün Azərbaycan poeziyasının seçilən simalarından biri satirik qəzəlləri ilə tanınan şair Baba Pünhanın doğum günüdür. O, 1948-ci ildə dünyaya gəlmiş, 2004-cü ildə vəfat edib.

Baba Pünhan həm qəlbə toxunan, həm də insanı düşündürən sözlərin ustasıdır. Onun yaradıcılığında sevgi ilə dərd, yumor ilə həqiqət, gülüşlə ağrı bir arada yaşayırdı. Şair satiranı tənqid kimi deyil, gülə-gülə həqiqəti demək sənəti kimi təqdim edirdi.

Söz ustadının poeziyasında dünya faniliyi tez-tez vurğulanırdı:

“Dünya dedikləri — gələn gedər yoldur.

Gülən də gedər, ağlayan da”.

Həyatın çətinliklərinə, insan xarakterinin dəyişən tərəflərinə toxunanda isə o, bunu acı və yumorun incə qatında edib:

“Adam var söz deyir, söz ağır olur,

Adam var özü yüngül, sözü ağır olur".

Baba Pünhanın sözləri bu gün də yaddaşlarda, dillərdə və könüllərdədir.

Ədilə Hüseynzadə