Ceyhun Bayramov pakistanlı həmkarı ilə danışıb

Azərbaycanın Xarici İşlər naziri Ceyhun Bayramov ilə Pakistan Baş nazirinin müavini, Xarici İşlər naziri Məhəmməd İshaq Dar arasında telefon danışığı baş tutub.

"İnformator.az" xəbər verir ki, bu barədə Xarici İşlər Nazirliyi (XİN) məlumat yaylb.

21 fevral 2026-cı il tarixində baş tutan telefon danışığı zamanı iki ölkə arasında tərəfdaşlıq münasibətlərindən irəli gələn məsələlər, ikitərəfli və çoxtərəfli əməkdaşlıq gündəliyinin genişləndirilməsi imkanları, habelə qarşılıqlı maraq doğuran regional və beynəlxalq təhlükəsizlik vəziyyəti müzakirə olunub.