Çində xəstəxana yanğınında insan itkisi 29-a yüksəlib

Çində xəstəxanada baş verən yanğında ölənlərin sayı 29-a çatıb.

İnformator.az xarici mediaya istinadən xəbər verir ki, Pekində Çanqfenq xəstəxanasında baş verən yanğında insan itkiləri artır.

Səlahiyyətlilər yanğında həyatını itirənlərin sayının 21-dən 29-a yüksəldiyini bildirib. Yanğında yaralanan 39 nəfərin müalicəsi davam edərkən, yaralanan 18 nəfərin vəziyyətinin ağır olduğu qeyd edilib.

Yanğın baş verən xəstəxanada şöbə bağlanıb, ambulator xidmətlər dayandırılıb. Dünən baş verən yanğın hadisə yerinə gələn qrupların müdaxiləsi ilə saat 13:33 radələrində söndürülüb. Yanğından sonra xilasetmə qrupları tərəfindən 71 xəstə yaxınlıqdakı xəstəxanalara təxliyyə olunub.

Sayad