Dünyada məcburi köçkünlərin sayı 123 milyonu keçib

BMT-nin Qaçqınlar üzrə Ali Komissarlığı (UNHCR) 2024-cü ilin sonunda dünyada zorakılıq və təqib səbəbilə məcburi köçkünlərin sayının 123 milyonu keçdiyini açıqlayıb. Bu, ötən illə müqayisədə 2 milyon artım deməkdir.

Ən böyük böhran Sudanda yaşanır – vətəndaş müharibəsi nəticəsində 14 milyondan çox insan evlərini tərk edib. Suriyada isə son aylarda 2 milyona yaxın insan geri dönüb. Əfqanıstanda aclıq və yoxsulluq 10 milyondan çox insanın köç etməsinə səbəb olub. Ukraynada müharibə nəticəsində 8.8 milyon insan məcburi köçkünə çevrilib.

Məcburi köçkünlərin böyük hissəsi qonşu ölkələrə sığınıb. UNHCR qeyd edir ki, 2025-ci ilin aprelində bu rəqəmlərdə cüzi azalma (1%) müşahidə olunub – 122.1 milyon nəfər. Bu, son on ilin ilk azalma göstəricisidir.

Evronews
Billurə Quliyeva