“Danışıqlara dönüş üçün Türkiyə öz üzərinə düşəni etməyə hazırdır”

İsrailin 13 iyunda başladığı və İranda nüvə və raket istehsalı obyektləri ilə hərbi komandanlığı hədəf alan hücumları doqquzuncu günündə də davam edir. İranın da cavab zərbələri ilə iki ölkə arasında toqquşma davam edərkən, beynəlxalq ictimaiyyətdən danışıqlara dönüş çağırışları gəlir.

İran Xarici İşlər Naziri Abbas Əraqçi cümə günü Cenevrədə Böyük Britaniya, Fransa və Almaniya xarici işlər nazirləri ilə keçirdiyi görüşlərdən sonra İslam Əməkdaşlıq Təşkilatının toplantısında iştirak etmək üçün İstanbula yola düşüb.

Əraqçi İstanbulda çıxışı zamanı “2015-ci ildə olduğu kimi, danışıqlı bir həllə qətiyyən hazırıq” deyib.

İran Xarici İşlər Naziri Avropa liderləri ilə görüşündə danışıqlar üçün hücumların dayandırılmasını əsas şərt kimi irəli sürüb.

BBC NEWS
Səmayə Səftərova