Dünyanın ən rəngarəng səkkiz binası

Yaradıcı memarlar uzun müddətdir öz əsərlərinin təsirini artırmaq üçün rənglərdən istifadə edirlər. Gözqamaşdırıcı qədim məbəddən tutmuş rəngarəng kitabxanaya qədər - burada rəngin əsas rol oynadığı səkkiz bina təqdim olunur.

Biz yüz minlərlə ildir ki, sevinc bəxş etmək üçün rənglərdən istifadə edirik. İlk neandertallar mağara divarlarını torpaqdan əldə etdikləri piqmentlərlə bəzəyirdilər. Bu ilkin cəhdlərdən sonra Qədim Misir və Yunanıstanın polixrom məbədləri, eləcə də Qədim Romanın müxtəlif rəngli mərmərdən tikilmiş tikililəri meydana gəldi. Bütün bu dövrlərdə və haraya baxsanız, rəng memarlığın ayrılmaz hissəsi olub.

Rəng orta əsr kilsələrinin vitrajlarında, İtaliya İntibah dövrünün freskalarla bəzədilmiş tavan və divarlarında mühüm rol oynayıb. XX əsrin sonu və XXI əsrin parlaq, gözoxşayan memarlığında da rəng əsas elementlərdən biri olaraq qalır. Buna misal olaraq Daniel Buren tərəfindən yaradılmış Pompidou Mərkəzinin Malaqadakı kub formasında giriş hissəsini göstərmək olar. Bu məkan rəng və işığın möhtəşəm harmoniyasını yaradır.

Dizayner Adam Nathaniel Furman və müəllif Kate Mazade “Chromatic Architecture - the Craft of Colour in Design” kitabında rəngi “binanı başqa cür əldə edilməsi mümkün olmayan yüksəkliklərdə rezonans və zövq yaradan əsas komponent” kimi xarakterizə edirlər.

Yeni kitablarından səkkiz rəngarəng tikilini təqdim edirik. Bu canlı və parlaq binalar memarları rənglərdən daha cəsarətlə istifadə etməyə, bizi isə rəngin memarlıqda nələrə qadir olduğunu daha geniş gözlə görməyə çağırır.

Səadət Əlizadə