Dwayne “The Rock” Johnson fərqli rola imza atıb

ABŞ aktyoru Dwayne Johnson uzun illər böyük büdcəli filmlərdə rol alaraq “blokbaster ulduzu” kimi tanınsa da, indi fərqli bir obrazla çıxış edib.

53 yaşlı aktyor, Venesiya Film Festivalında təqdim olunan The Smashing Machine filmində UFC döyüşçüsü Mark Kerr rolunu canlandırıb. Johnson rolun həyatını dəyişdiyini və onun üçün “dərin və intensiv bir təcrübə” olduğunu deyib. Johnson, Hollywoodda tez-tez müəyyən kateqoriyaya salındığını, ancaq uzun müddətdir istədiyi rolu oynamaq üçün fürsət gözlədiyini bildirib. Film Kerrin döyüş karyerasından kənarda şəxsi həyatına, maddə asılılığı ilə mübarizəsinə və sevgilisi Dawn (Emily Blunt) ilə mürəkkəb münasibətinə fokuslanır.

Tənqidçilər Johnsonun çıxışını yüksək qiymətləndirib. Variety onu “inanılmaz kəşf”, Telegraph isə “isti, səmimi və eqosuz performans” kimi təsvir edib. Johnsonun ekran kimyası Blunt ilə də diqqət çəkib.

BBC
Quliyeva Reyhan