“NATO Müqaviləsinin 5-ci maddəsinə görə Slovakiyanın mümkün müharibəyə qoşulmasını istəmirəm”.

"İnformator.az" xəbər verir ki, bunu Slovakiya Baş naziri Robert Fitso deyib.

O bildirib ki, Rusiyanın alyansın müttəfiqlərindən hansısa birinə hücumu halında Slovakiya NATO-nun 5-ci maddəsi üzrə öhdəliklərini yerinə yetirmək niyyətində deyil.

“NATO Müqaviləsinin 5-ci maddəsinin tətbiq oluna biləcəyini təsəvvür edə bilərsinizmi? Bunu kimsə təsəvvür edə bilərmi? Kiminsə bizə deyəcəklərini təsəvvür edə bilərmi: 5 000-10 000 əsgər hazırlayın və onlar harasa döyüşə gedəcəklər. Biz kiminlə, niyə və nə üçün döyüşəcəyimizi belə bilməyəcəyik. NATO-nun hansısa 5-ci maddəsinə görə Slovakiyanın hansısa müharibəyə qoşulmasını istəmirəm. Baş nazir kimi Slovakiyanın heç vaxt hərbi münaqişəyə cəlb olunmaması üçün hər şeyi edəcəm”, - Robert Fitso vurğulayıb.

Slovakiya lideri bundan əvvəl Avropanın heç vaxt olmadığı qədər genişmiqyaslı müharibəyə yaxın olduğunu iddia edib.