Görkəmli bəstəkar Fikrət Əmirovun doğum günüdür

Noyabrın 22-si görkəmli Azərbaycan bəstəkarı, SSRİ Xalq artisti, Dövlət mükafatı laureatı Fikrət Əmirovun doğum günüdür.

“İnformator.az” xatırladır ki, o, 1922-ci ildə Gəncədə, tanınmış müğənni və tarzən Məşədi Cəmil Əmirovun ailəsində dünyaya göz açıb.

Gəncədə musiqi məktəbinin tar sinfində, sonra Bakıda musiqi məktəbində təhsil alan Fikrət Əmirov 1939-cu ildə Bakı Konservatoriyasına daxil olub.

Konservatoriyada Fikrət məşhur pedaqoq Boris Zeydmandan bəstəkarlığın sirlərini, dahi Üzeyir Hacıbəyovdan Azərbaycan xalq musiqisinin əsaslarını öyrənib.