Hindistanın Rusiya neftində böyük payı

Hindistanın Rusiyadan xam neft idxalı rekord həddə çatıb və bu prosesdə ən çox qazanan ölkənin ən varlı iş adamı Mukeş Ambaninin rəhbərlik etdiyi Reliance Industries şirkəti olub. Əvvəllər Jamnagar zavodunun xammalının cəmi 3 faizi Rusiyadan gəlirdisə, müharibədən sonra bu göstərici 50 faizə yüksəlib.

2025-ci ilin ilk yeddi ayında zavod Rusiyadan 18,3 milyon ton neft alıb, bu da illik müqayisədə 64 faiz artım və 8,7 milyard dollarlıq dəyər deməkdir. Enerji və Təmiz Hava Tədqiqatları Mərkəzinin məlumatına görə, Rusiya neftinə tətbiq edilən qiymət həddi bu tendensiyanın əsas səbəbi olub.

ABŞ prezidenti Donald Tramp Hindistanın artan idxalını tənqid edərək əlavə 25 faiz rüsum tətbiq edib və bunun Moskvanın müharibəni davam etdirməsinə imkan verdiyini bildirib. ABŞ maliyyə naziri isə Hindistanın ən zəngin ailələrinin bu vəziyyətdən daha çox fayda götürdüyünü açıqlayıb.

All Jazeera
Qəmər Kazımzadə