Hollandiyanın parlament binası bomba təhlükəsinə görə boşaldıldı

Hollandiyanın Haaqa şəhərindəki parlament binası bomba təhlükəsi səbəbindən boşaldılıb. Binada qrupların araşdırmasından sonra xəbərin əsassız olduğu üzə çıxıb.

Hollandiyalı anti-islam siyasətçi Geert Wilders bildirib ki, təxliyənin səbəbi ona göndərilən bağlama olub. O, sözügedən bağlamada saxta bomba, oyuncaq ayı və bəzi naqillərin tapıldığını bildirib. Nümayəndələr Palatasının sözçüsü hadisə ilə bağlı şərh verməkdən imtina edib. Nümayəndələr Palatasına bəzi girişlər polis tərəfindən bağlanıb.

Fatima Mustafayeva