İmamoğlu ilə bağlı "cinayət təşkilatı" işi üzrə aralıq qərar açıqlanıb

Əkrəm İmamoğlu ilə bağlı çıxar məqsədli cinayət təşkilatı işi üzrə aralıq qərar elan olunub. 18 təqsirləndirilən şəxs barəsində ölkədən çıxışa qadağa qoyulması şərti ilə azadlığa buraxılma (məhkəmə nəzarəti tədbiri) qərarı verilib. 89 təqsirləndirilən şəxsin isə həbsdə saxlanılmasının davam etdirilməsinə qərar verilib.

İmamoğlu ilə bağlı cinayət təşkilatı işinin birinci məhkəmə baxışının 15-ci iclası təqsirləndirilən şəxslərin vəkillərinin çıxışları ilə davam edib.

Daha sonra məhkəmə heyəti təqsirləndirilənlərin həbs qətimkan tədbiri ilə bağlı aralıq qərarını açıqlayıb. 

Azadlığa buraxılanlar arasında Sırrı Küçük, Fatih Yağcı, Ali Üner, Evren Şiroğlu, Altan Ertürk, Ebubekir Akın, Hüseyin Yurttaş, Kadir Öztürk, Mustafa Bostancı, Sabri Caner Kırca, Baran Görül, Mahir Gün, Kadriye Kasapoğlu, Davut Bildik, Esra Huri Bulduk, Şehide Zehra Keleş Yüksel, Başak Tarlı və Nazan Başelli yer alıb.

Prokurorluq 13-cü iclasda 7 təqsirləndirilən şəxs üçün azadlığa buraxılma, 100 nəfər üçün isə həbsin davam etdirilməsi tələbini irəli sürüb.

107-si həbsdə olmaqla ümumilikdə 407 təqsirləndirilən şəxsin yer aldığı iş üzrə Ekrem İmamoğlu “təşkilat rəhbəri” kimi mühakimə olunur. Təqsirləndirilən şəxslərin 143 epizod üzrə dövlətə 160 milyard TL və 24 milyon dollar zərər vurduğu iddia edilir.

TRT HABER

Reyhan Quliyeva