İran Hörmüz boğazında diplomatiya ilə təzyiq arasında balans yaradır

İran Hörmüz boğazında gərginliyin dəniz daşımalarına təsir göstərdiyi və regional sabitliklə bağlı narahatlıqları artırdığı bir vaxtda, Cənubi Koreya ilə əməkdaşlığı qoruyaraq hərbi təzyiqi artıran ikili strategiya həyata keçirir.

İstanbul Aydın Universitetinin professoru Nurhan Əl-Bayaa bildirib ki, beynəlxalq ictimaiyyət bu iki siqnalı da ciddi qəbul etməlidir. Onun sözlərinə görə, İranın yanaşması öz baxışından ziddiyyətli deyil.

O izah edib ki, İran qarşıdurmanın “qiymətini” artırmaq üçün diplomatik açıq mövqe ilə hərbi eskalasiyanı birləşdirir: “Onlar əməkdaşlığa açıq olduqlarını göstərirlər… təhlükəsiz gəmiçiliyi təmin etmək üçün… eyni zamanda isə qarşıdurmanın dəyərini artırmaq məqsədilə hərbi eskalasiyanın səsini yüksəldirlər”.

Əl-Bayaa əlavə edib ki, bu yanaşma həm dialoqa hazırlığı, həm də münaqişənin dinamikasına nəzarət etmək cəhdini əks etdirir. Bu, xüsusilə ABŞ və İsrailə yönələn mesajlarda özünü göstərir.

ANEWZ
Lalə Qurbanlı