İranın Ümrəyə uçan təyyarəsinə eniş üçün icazə verilməyib

Səudiyyə Ərəbistanının İsfahan-Ciddə uçuşunu həyata keçirən İran İslam Respublikası havayollarına aid (İran Air) təyyarəyə eniş üçün icazə verilmədiyi iddia edilib.

İnformator xəbər verir ki, İran informasiya vasitələrinin xəbərinə görə, Səudiyyə Ərəbistanı Havayolları 290 ziyərətçini daşıyan İsfahan-Ciddə xətti üzrə uçuş həyata keçirən təyyarəyə eniş üçün icazə verməyib. Ciddə havalimanına enməyən təyyarə isfahana geri dönüb.

Bu arada Səudiyyə Ərəbistanın məsul şəxsləri lazımi icazəyə sahib olmadığı üçün təyyarənin enməsinə icazə vermədiklərini ifadə edib. İran Air rəsmiləri isə eniş üçün icazələrinin olduğunu ifadə edib.