Kimi Antonellinin dönüş nöqtəsi

 

Kimi Antonelli deyir ki, bu ilki Mercedes-i ilk dəfə sürdüyü andan etibarən 2026-cı ildə Formula 1 sürücüsü kimi dəyişəcəyini hiss edib.

20 yaşlı italiyalı pilot hazırda ikinci F1 mövsümünü keçirir və dünya çempionatında böyük üstünlüklə liderdir. O, 2025-ci ildə keçirdiyi çətin debüt mövsümündən sonra bu il özündə böyük dəyişiklik hiss etdiyini deyir.

Antonelli Silverstounda ilk sınaqlardan sonra avtomobildə özünü əvvəlkindən daha rahat, sakit və yetkin hiss etdiyini bildirib. Onun sözlərinə görə, əsas dəyişiklik düşüncə tərzində olub.

2025-ci ildə çox gərgin sürdüyünü və potensialını tam göstərə bilmədiyini deyən Antonelli bu il daha inamlı və soyuqqanlıdır.

Avstraliya Qran-prisində üçüncü sərbəst yürüş zamanı böyük qəza etsə də, mexaniklərin köməyi ilə yenidən avtomobilə qayıdıb və yarışda Corc Rasselə çox yaxın nəticə göstərib. Bu hadisə ona keçən illə müqayisədə nə qədər dəyişdiyini göstərib.

Antonelli deyir ki, belə bir hadisə keçən il baş versəydi, bunun öhdəsindən gələ bilməzdi. Onun fikrincə, bu ilki əsas fərq daha rahat, yetkin və güclü düşüncə tərzidir.

Mehriban Yariyeva