Maria Korina Maçado Vaşinqtonda

María Korina Maçado Venesuelanın müxalifət lideri və 2025-ci il Nobel Sülh Mükafatı laureatı bu həftə Vaşinqtona gələrək ABŞ Prezidenti Donald Trampla Venesuelanın gələcəyi ilə bağlı yüksək riskli danışıqlar aparacaq.

Görüş Nikolas Maduronun hakimiyyətdən uzaqlaşdırılmasından sonra baş tutur. Lakin Trampın Maduronun vitse-prezidenti Delsi Rodrigesə nəzarəti ələ almağa icazə verməsi müxalifətin yeni demokratik dövrə dair ümidlərini alt-üst edərək bir çoxlarını təəccübləndirib.

Son 12 ay Maçado üçün əsl enişli-yoxuşlu dövr olub. Bir il əvvəl o, Karakasda Maduronun əleyhinə kütlələri ruhlandırmaqda çətinlik çəkib. Avtoritar lider olan Maduro 2024-cü il prezident seçkilərində qalib elan edildikdən sonra üçüncü müddətinə başlayıb. Seçki qurumları detallı nəticələri açıqlamadan onun qələbəsini təsdiqləyib, halbuki sübutlar Maçadonun namizədi Edmundo Qonsalesin böyük səs fərqi ilə qalib gəldiyini göstərib.

Cnn News

Ədilə Hüseynzadə