Naxçıvana uçuşlar yenidən ləğv edilib 

Naxçıvan Beynəlxalq Aeroportunun ətrafında müşahidə olunan əlverişsiz hava şəraiti səbəbindən AZAL-ın sözügedən istiqamət üzrə reysləri ləğv olunub.

“İnformator.az” xəbər verir ki, bu haqda AZAL məlumat yayıb.

“Hava şəraiti sabitləşdikdən sonra uçuşların cədvələ uyğun şəkildə bərpası təmin ediləcək.

Sərnişinlərin təhlükəsizliyi aviaşirkət üçün əsas prioritet olaraq qalır və vəziyyət nəzarətdə saxlanılır”, - məlumatda deyilir.

Xatırladaq ki, əlverişsiz hava şəraitinə görə şənbə günü də uçuşlar təxirə salınmışdı.