"OPEC+" ölkələri avqustda neft hasilatını artırmaq barədə razılığa gəlib

Yeddi "OPEC+" ölkəsi (Səudiyyə Ərəbistanı, Rusiya, İraq, Küveyt, Qazaxıstan, Əlcəzair və Oman) avqustda neft hasilatının iyul səviyyəsi ilə müqayisədə 188 min b/s artırılması barədə razılığa gəlib.

"İnformator.az" xəbər verir ki, bu barədə "Reuters" agentliyi mənbəyə istinadən məlumat yayıb.

Nəşrin iki həmsöhbətinin sözlərinə görə, kvotaların artırılması yekun qərarın ən çox ehtimal olunan variantıdır.

Həmin ölkələrin iclasının başlanması Bakı vaxtı ilə saat 14:00-a nəzərdə tutulub.