“Orta dəhlizin əsaslarından biri də Azərbaycan və Qazaxıstan olacaq”

Qazaxıstanın Xarici İşlər naziri Yermek Koşerbayev ABŞ Prezidenti tərəfindən Cənubi və Mərkəzi Asiya üzrə Xüsusi nümayəndə Sercio Qor və ABŞ Dövlət katibinin birinci müavini Kristofer Landau ilə görüş keçirib.

Mövzu ilə bağlı iqtisadi şərhçi Natiq Cəfərli “İnformator.az”a açıqlamasında bildirib ki, Qazaxıstanda ABŞ-nin neft şirkətləri göstərir:

“Hətta 90-cı illərdən fəaliyyət göstərir. Şevron məsələn uzun illərdir ki, Amerikada ən böyük yatırımcılardan biridir, bu yenilik deyil. Sadəcə əməkdaşlığın genişləndirilməsi nəzərdə tutulur və birdə ən önəmlisi Qazaxıstan bir tək istehsal yox, həm də bir logistik mərkəz, körpü rolunu oynamağa çalışır. Azərbaycanla birlikdə bu layihələri keçirir. Orta dəhlizin əsaslarından biri də Azərbaycan və Qazaxıstan olacaq. Ona görədə ABŞ bu yeni dəhlizin, keçidlərin üzərində olan ölkələrlə daha sıx əməkdaşlıq etməyi düşünür və Qazaxıstanla əməkdaşlıqda bunun tərkib hissəsidir”.

Aytac İbrahimova