Pentaqon açıqlanan məxfi sənədlərin həqiqiliyini yoxlayır

ABŞ Müdafiə Nazirliyi hələ də internetdə dərc olunan məxfi hərbi sənədlərin həqiqiliyini yoxlayır.

İnformator.az BBC Russian-a istinadən xəbər verir ki, ABŞ Müdafiə Nazirliyi hələ də internetdə dərc olunan məxfi hərbi sənədlərin həqiqiliyini yoxlayır və irimiqyaslı sızmanın milli təhlükəsizliyə necə təsir edə biləcəyini qiymətləndirməyə çalışır.

Pentaqon mətbuat katibinin müavini Sabrina Sinq verdiyi açıqlamada "Müdafiə Nazirliyi sosial mediada yayılan məxfi və çox həssas məlumatları ehtiva edən fotoşəkilləri çəkilmiş sənədlərin həqiqiliyini araşdırmağa davam edir" deyib.

Onun sözlərinə görə, ABŞ Ədliyyə Nazirliyi iddia edilən sızma faktını araşdırır.

"Bu fotoşəkilləri çəkilmiş sənədlərin ABŞ-ın milli təhlükəsizliyinə, həmçinin müttəfiqlərimizə və tərəfdaşlarımıza göstərə biləcəyi təsirləri qiymətləndirmək üçün qurumlararası iş təşkil olunub", - Sinq bildirib.

Əvvəllər Pentaqonun anonim nümayəndələri etiraf edirdilər ki, şəbəkədə Ukrayna, eləcə də Yaxın Şərq və Çin müharibəsinə aid olan sənədlər orijinal ola bilər.

Fatimə Mustafayeva