Pezeşkiyan: Türkiyənin İranla təsirli həmrəyliyini yüksək qiymətləndiririk

İran Prezident Administrasiyasının yazılı açıqlamasına görə, Pezeşkiyan ilə Ərdoğan arasında telefon danışığı baş tutub.

Liderlər görüş zamanı müharibənin dayandırılması üçün mümkün həll yolları barədə fikir mübadiləsi aparıblar.

Pezeşkiyan İrana qarşı hərbi təcavüzün dayandırılması istiqamətində səylərinə görə bəzi dost və qonşu ölkələrə təşəkkür edərək bildirib:

“Türkiyənin İrana qarşı amansız hücumları pisləyən mövqeyini və xüsusilə türk xalqının İranla göstərdiyi təsirli həmrəyliyi yüksək qiymətləndiririk”.

Pezeşkiyan əlavə edib ki, İran ilə ABŞ arasında əldə olunan və İsraili də əhatə edən müvəqqəti atəşkəs razılaşması Livan da daxil olmaqla bölgədəki bütün cəbhələri əhatə etməlidir.

O vurğulayıb ki, İsrailin addımları bölgədə müharibəni alovlandırmağa yönəlib və İslam ölkələri “sionist rejimin” müharibə təhriklərinə və regionun sabitliyi ilə sülhünü təhdid edən addımlarına qarşı birlik nümayiş etdirməlidir.

Pezeşkiyan qeyd edib ki, beynəlxalq ictimaiyyət və İslam ölkələri, xüsusilə Livana qarşı hücumların dayandırılması üçün ABŞ və İsrailə təzyiq göstərməlidir.

Sonda İranın regional sabitliyin qorunması və münaqişələrin genişlənməsinin qarşısını almaq üçün atəşkəsi qəbul etdiyini bildirən Pezeşkiyan vurğulayıb ki, atəşkəsin davamlılığı qarşı tərəfin öhdəliklərə real şəkildə əməl etməsindən asılıdır.

TRT HABER 
Reyhan Quliyeva