Razılığa gəldiklərini açıqlayıb

Avropa İttifaqına daha əvvəl göndərdiyi tarif məktubunda üzv ölkələrdən göndərilən bütün məhsullara 30 faiz gömrük rüsumu tətbiq ediləcəyini bildirən və əgər misli ilə cavab verilərsə, bu rəqəmin daha da artırılacağı ilə hədələyən ABŞ Prezidenti Donald Tramp, Avropa İttifaqı ilə ticarət razılaşması danışıqlarını başa vurduqlarını və 15 faizlik tarif tətbiq ediləcəyini açıqlayıb.

Tramp, 27 üzvdən ibarət Avropa İttifaqından idxal olunan məhsullara 15 faiz ümumi gömrük rüsumu tətbiq olunması ilə bağlı razılıq əldə olunduğunu bildirib. Tramp deyib: “ABŞ, Aİ-nin avtomobil və digər bütün məhsullarına birbaşa 15 faiz gömrük tarifi tətbiq edəcək. Bu gün əldə etdiyimiz razılaşmadan çox məmnunam. Fikrimcə, bu, indiyədək imzalanan ən böyük ticarət razılaşmasıdır".

Tramp əlavə edib ki, Aİ ölkələri ABŞ-dən böyük miqdarda hərbi texnika alacaq və bu alış "yüz milyardlarla dollar" dəyərində olacaq. O, həmçinin qeyd edib: “Aİ, ABŞ-dən 750 milyard dollarlıq enerji məhsulu almağı qəbul edib. Aİ, həmçinin ABŞ-də 600 milyard dollardan artıq investisiya qoyacaq".

Avropa Komissiyasının məlumatına görə, ötən il Aİ ABŞ-yə 532,3 milyard avroluq mal satıb, əvəzində isə 335 milyard avroluq məhsul alıb. Bu ticarət nəticəsində Aİ 197,3 milyard avro ticarət profisiti əldə edib. Tramp isə xüsusilə Aİ-nin bu yüksək ticarət profisitindən narahatlıq hiss edib.

Haberler.com
Aygün Babayeva